Abahoze muri FC Barcelone mu mukino wa gicuti mu Rwanda

Inkuru y’Igihe:

Ku itariki 6 Ukuboza uyu mwaka abakinnyi bakiniye FC Barcelona bazakina umukino wa gicuti n’abakinnyi 11 beza mu Rwanda mu rwego rwo gutangiza ku mugaragaro ubufatanye na FERWAFA mu kubaka ishuri ry’umupira w’amaguru.

Nyuma y’uko Louis Garcia, umwe mu bakinnyi bagize ibihe byiza muri Barcelona asuye u Rwanda muri Nzeli hari igitekerezo yatanze muri FERWAFA cy’uko abakinnyi bakiniye FC Barcelona mu myaka yashize bifuza kugira uruhare mu iterambere ry’umupira w’amaguru mu Rwanda bakubaka ishuri rishobora kuzatwara hafi miliyoni 10 z’amadolali y’Amerika angana na miliyari 7 na miliyoni 300 z’amafaranga y’u Rwanda.

Tariki 6 Ukuboza, Abanyarwanda bazagira amahirwe yo kubona bamwe mu bakinnyi b’ibyamamare bakiniye Barcelona amaso ku maso bakina n’abakinnyi b’Abanyarwanda i Kigali baje kugaba agashami ka La Masia mu Rwanda.

Garcia wakiniye Atletico Madrid, Liverpool na FC Barcelone akaba na Ambasaderi wayo, yatangaje ko ku bufatanye n’abo bahoze bakinana bashaka gushyira ishuri mu Rwanda rimeze nka La Masia ifatwa nk’ishuri rya mbere ku Isi ryigisha umupira.

Ibi kandi byemejwe n’umunyamabanga wa FERWAFA , Mulindahabi Olivier aganira na IGIHE yavuze ko ubusabe bwa Garcia na bagenzi be bwabagezeho ariko hakiri ibyo bazabanza kuganiraho mu rwegogo rwo gushira hamwe imbaraga.

Ati:”Twaraganiriye ariko ntibiranozwa, barabisabaga. Ni umushinga munini bafite wo guteza umupira w’amaguru imbere hano. Twagombaga kuganira nabo muri iki cyumweru ariko hari izindi gahunda nyinshi twarabisubitse.”

Mulindahabi yavuze ko umukino uzahuza izo mpande zombi uzaba, maze amafaranga azavamo akazafasha mu gushyira mu bikorwa uwo mushinga gusa hari ibiganiro bizabanza kuba hamwe n’ishyirahamwe ry’umupira w’amaguru mu Rwanda bareba ibyakurikizwa abana bazarizamo batoranywa n’ibindi.

Biteganyijwe ko bamwe mu batoza bo mu Rwanda bashobora kuzahugurwa n’abatoza ba FC Barcelona mu rwego rwo kongera ubumenyi ariko no kwiga umukino wa Tiki-Taka ari nawo wigishwa muri La masia.

La masia yagize uruhare runini mu kuzamura abakinnyi b’ibihangange ku Isi nka Xavi, Andres Iniesta, Carles Puyol, Sergio Busquets na Lionel Messi yanafashije igihugu cya Espagne kwitwara neza mu gikombe cy’Isi cya 2010 na Euro 2008 na 2012.

Iri shuri rigiye kugira agashami mu Rwanda ryakoze amateka adasanzwe ubwo abakinnyi batatu ba nyuma bahatanira umupira wa zahabu(Ballon d’Or) mu 2010,
Andrés Iniesta, Lionel Messi na Xavi Hernández bose bari umusaruro wa La masia.

Johan Cruyff Umuhorandi wagejeje ikipe y’igihugu ku mukino wa nyuma w’igikombe cyIsi cyo mu 1974 ndetse akanegukana urukweto rwa zahabu muri uwo mwaka ni umwe mu bazaza mu Rwanda ahanini aje gutanga amahugrwa ku batoza b’imbere mu gihugu.

Source:

http://mobile.igihe.com/imikino/football/article/fc-barcelona-mu-mukino-wa-gicuti-n-ikipe-y-abanyarwanda

Publicités

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google+

Vous commentez à l'aide de votre compte Google+. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

Connexion à %s